M-2 Bakı-Ələt-Qazax-Gürcüstan avtomobil yolunun 55-ci kilometrliyində, Qobustan qəsəbəsi ərazisində qəzalı körpü sökülərək yerində yeni biraşırımlı körpünün tikintisinə başlanılıb.
Azərbaycan Avtomobil Yolları Dövlət Agentliyi (AAYDA) bildirib ki, svayvurma işləri başa çatıb və dayaqların inşası üzrə işlər aparılır.
1980-ci illərdə tikilmiş üçaşırımlı körpünün Bakı istiqamətindəki aşırım tirinin sınaraq çökməsi nəticəsində körpü yararsız hesab edilmişdi.
