Mayın 16-da "Bakı Şəhərsalma Həftəsi" çərçivəsində "Şəhərin səsi" tədbiri keçiriləcək. Bu tədbir Ümumdünya Şəhərsalma Forumunun 13-cü Sessiyası (WUF13) ərəfəsində baş tutur.
Tədbirdə memarlıq və şəhərsalma mövzuları musiqi, rəqəmsal incəsənət, kino irsi və müasir yaradıcılıq vasitələri ilə təqdim olunacaq. Məkan Cəfər Cabbarlı adına "Azərbaycanfilm" kinostudiyasıdır.
Ziyarətçilər rəqəmsal proyeksiyalar, canlı vizual nümayişlər, divar rəsmləri və qraffitilər görəcəklər. Elektron musiqi və DJ çıxışları isə atmosferi tamamlayacaq.
Tədbir mayın 16-da saat 19:30-da başlayır. Giriş sərbəstdir, lakin əvvəlcədən qeydiyyat tələb olunur.
