Bakı-Tbilisi qatarının səfər müddəti 9 saat olacaq. Səbəb Gürcüstandakı dəmir yolu infrastrukturunun zəif vəziyyətidir.
Azərbaycan Dəmir Yollarının sözçüsü Azər Fərəcov bildirib ki, Gürcüstanda qatarın sürəti 50 km/saat olacaq. Qardabani-Tbilisi hissəsində sürət aşağıdır.
Azərbaycanda qatar 100 km/saat sürətlə gedəcək. Lakin sərhəd yoxlamaları 60 dəqiqə çəkir. Gürcüstanda da 60 dəqiqə dayanacaq.
Qatar hər gün Bakıdan saat 23:10-da yola düşəcək və səhər 08:41-də Tbilisiyə çatacaq.
