Bakı-Tbilisi-Bakı reyslərində sərnişinlər üçün şad xəbər var. Komfort və komfort-plus siniflərində çəkisi 23 kq-dan (Lüks sinifdə 30 kq-dan) çox olmayan 1 ədəd baqajı pulsuz aparmaq mümkün olacaq.
Oxu.Az xəbər verir ki, bu barədə "Azərbaycan Dəmir Yolları" Qapalı Səhmdar Cəmiyyəti məlumat yayıb. Bildirilib ki, kiçik əl yükü üçün də ödəniş tələb olunmur.
Qeyd edilib ki, pulsuz aparıla bilən əşyalara qatlanan uşaq arabası da daxildir. Komfort-plus kupesini tam bron edən sərnişinlər isə uşaq arabalarını həm də açıq vəziyyətdə daşıya bilərlər.
