ADY-nin yataq tipli müasir qatarları Bakı-Tbilisi-Bakı marşrutu üzrə hərəkət edəcək.
Oxu.Az-a istinadən xəbər verilib ki, bu barədə ADY-nin İctimaiyyətlə əlaqələr şöbəsinin müdiri Bəxtiyar Hacıyev məlumat verib.
O bildirib ki, sərnişinlərə komfort, komfort+ və lüks olmaqla üç sinif üzrə xidmət göstəriləcək.
Qatar 6 vaqondan ibarətdir: 1 lüks, 1 qarışıq (lüks+komfort+), 3 komfort, 1 vaqon-restoran. Ümumi tutum 118 nəfərdir.
Komfort sinfində bir kupe hərəkəti məhdud sərnişinlər üçün nəzərdə tutulub.
Bundan başqa, qarışıq lüks və komfort+ vaqonunda kupelər xüsusi arakəsmə ilə ayrılıb. Ailə və qrup səfərlərində arakəsmə açılaraq vahid kupe halına salına bilər.
Vaqonlar İsveçrənin "Stadler Rail Group" şirkəti tərəfindən istehsal edilib və yeni nəsil təhlükəsizlik texnologiyaları ilə təchiz olunub.
Lüks sinif: ikinəfərlik kupelər, masa, televizor, duş kabinəsi, sanitar qovşaq.
Komfort+ sinif: ikinəfərlik kupelər, televizor, masa, əlüzyuyan.
Komfort sinif: dördnəfərlik kupelər, televizor.
Bütün kupelərdə fərdi temperatur və işıqlandırma sistemi, bələdçi ilə əlaqə düyməsi, səs izolyasiyası, seyf, elektrik yuvaları, internet, TV monitor, pult, qulaqlıq yerləri var.
Sərnişinlərə təmiz yataq dəsti və səfər paketi təqdim olunacaq.
