Bakıda tıxac problemi gündəlik həyatın ayrılmaz hissəsinə çevrilib.
Yüzlərlə insan hər gün yollarda saatlarla vaxt itirir. Bəziləri tıxacdan qaçmaq üçün şəhər mərkəzindən uzaq ev alır.
“Əvvəllər mərkəzə yaxın qalırdım. Tıxaca görə Buzovnadan ev aldım. Amma indi mərkəzə gəlmək üçün iki saata yaxın vaxt sərf edirəm”, - deyə sakin bildirib.
Əmlak ekspertləri ev seçərkən nəqliyyat amilinə diqqət etməyi məsləhət görür. İş yerinə yaxın ev almaq gündə 2-3 saat qazandıra bilər.
Şəhərsalma mütəxəssisləri isə urbanizasiyanın qarşısını almaq üçün dünya təcrübəsindən istifadəni tövsiyə edir. Hövsan, Günəşli kimi ərazilərdə də tıxac yaranması qaçılmazdır.
