2025-2030-cu illər üçün Dövlət Proqramı çərçivəsində Bakı və Abşeronda nəqliyyat infrastrukturu yenilənir.
AYNA-nın məlumatına görə, Mehdiabad, Binəqədi və ətraf ərazilərdən mərkəzə gələn nəqliyyat vasitələri ciddi yüklənmələrə səbəb olur. Bu problemi həll etmək üçün yeni Mehdiabad-Baksol-Ziya Bünyadov prospekti avtomobil yolunun inşası nəzərdə tutulur.
Yeni yol Mehdiabad-Binəqədi ərazisindən başlayaraq Binəqədi şosesi ilə əlaqələndiriləcək. Nəticədə nəqliyyat axını balanslaşdırılaraq gündəlik sıxlıqlar azalacaq.
Həmçinin Azadlıq prospekti-Binəqədi şosesi istiqamətindən Binəqədi-Novxanı yoluna birbaşa çıxış təmin ediləcək. Yeni tramvay xətti də sərnişinlərə rahatlıq qazandıracaq.
