Mayın 14-də Bakının Nəsimi rayonu və Sumqayıtın bəzi ərazilərində elektrik enerjisinin verilişində fasilə yaranacaq.
"Azərişıq" ASC-nin məlumatına görə, Nəsimi ETSİ ərazisində Transformator Məntəqəsində təmir işləri aparılacaq. Saat 09:30-dan 13:00-dək Dilarə Əliyeva və Puşkin küçələrinin bir hissəsində elektrik enerjisi məhdudlaşdırılacaq.
Sumqayıt Elektrik Şəbəkəsində yüksəkgərginlikli hava xətlərində təmir işləri saat 11:00-dan 14:00-dək aparılacaq. Hacı Zeynalabdin Tağıyev qəsəbəsi, Yaşma bağları yaşayış massivi və Stansiya Sumqayıt ərazisinin bəzi yerlərində elektrik enerjisi kəsiləcək.
Təmir işləri başa çatdıqdan sonra həmin ərazilər daha keyfiyyətli elektrik enerjisi ilə təmin ediləcək.
