Heydər Əliyev Fondunun vitse-prezidenti, IDEA İctimai Birliyinin təsisçisi Leyla Əliyevanın təşəbbüsü ilə Bakı Zooloji Parkında "Gələcək uşaqlara məxsusdur" adlı bayram şənliyi keçirilib.
Tədbirdə 250-dən çox uşaq iştirak edib. Onlar uşaq evlərindən, inkişaf mərkəzlərindən və bağçalardan gəlmişdilər.
Uşaqlar üçün əyləncəli və maarifləndirici proqram təşkil olunub. Müsabiqələr, oyunlar, sehrbazların çıxışları və cizgi film qəhrəmanları böyük maraq doğurub.
Yaradıcılıq bacarıqlarını inkişaf etdirmək üçün rəsm, ekoçanta bəzəmə və gips fiqurların rənglənməsi kimi ustad dərsləri keçirilib.
Ekoloji maarifləndirmə çərçivəsində heyvanlar haqqında animasiyalar və təqdimatlar nümayiş etdirilib. Açıq hava ekskursiyası ilə uşaqlar heyvanlarla yaxından tanış olublar.
IDEA Heyvanlara Qayğı Mərkəzi himayə guşəsi təşkil edib, küçə heyvanlarına qayğı göstərməyin önəmi vurğulanıb.
Bayram uşaqların sevinci ilə yadda qalıb.
