Bakının Xətai rayonunda su kollektorunun üzərində tikilmiş 22 ev müəyyən edilib. Xətai rayon prokuroru Sərdar İmanov bildirib ki, bu evlər vaxtilə su idarəsinin razılığı ilə tikilsə də, magistral su xəttinin üzərində yerləşir.
Buna görə də NZS qəsəbəsindəki 22 evin sökülməsi və sakinlərə kompensasiya ödənilməsi nəzərdə tutulur. Hazırda köçürmə işləri aparılır.
Keşlə və NZS qəsəbələrində müasir kollektor çəkilir ki, gələcəkdə problem yaşanmasın. Bəzi evlər qanunsuz torpaq zəbti ilə tikilib, lakin onların hissə-hissə rəsmiləşdirilməsi həyata keçirilir.
