Bakıda keçiriləcək Ümumdünya Şəhərsalma Forumunun 13-cü sessiyası ilə əlaqədar yollarda tənzimləmə aparılacaq. Mayın 16-dan 28 avtobus marşrutunun hərəkət sxemi dəyişdirilir, 4 ekspres marşrutun fəaliyyəti isə müvəqqəti dayandırılır.
Azərbaycan Yerüstü Nəqliyyat Agentliyinin (AYNA) məlumatına görə, dəyişikliklər aşağıdakı kimidir:
148, 162, 197, 198 nömrəli marşrutların son dayanacağı Sabunçu Dəmiryol Stansiyasının qarşısında təşkil ediləcək.
166, 173A, 173B nömrəli marşrutların son dayanacağı metronun "Ulduz" stansiyasının yaxınlığında, Xəlil Rza Ulutürk küçəsi olacaq.
107, 107A, 131, 168, 169 nömrəli marşrutların son dayanacağı metronun "Neftçilər" stansiyasının yaxınlığında, Rüstəm Rüstəmov küçəsində təşkil ediləcək.
118A, 118B, 204, 15 nömrəli marşrutların son dayanacağı metronun "Qara Qarayev" stansiyasının yaxınlığında, Azər Manafov küçəsində olacaq.
214, 214A nömrəli marşrutların son dayanacağı Naxçıvanski küçəsində, "8-ci kilometr" bazarının yaxınlığında təşkil ediləcək.
70 nömrəli marşrut Bakıxanov qəsəbəsindən keçəcək.
71 nömrəli marşrutun son dayanacağı Ziya Bünyadov prospektində, "Koroğlu" NMM-in yaxınlığında olacaq.
32 və 125 nömrəli marşrutların son dayanacağı Dilarə Əliyeva küçəsində, Səməd Vurğun bağının yanında təşkil edilir.
60 nömrəli marşrut "Koroğlu" NMM-ə daxil olmadan Heydər Əliyev prospektinin kənar hissəsində dayanacaq.
18 və 31 nömrəli marşrutların son dayanacağı Əhməd Cavad küçəsində təşkil ediləcək.
199 və M8 nömrəli marşrutların aralıq dayanacağı Əhməd bəy Ağaoğlu küçəsində olacaq.
133 nömrəli marşrutun son dayanacağı Fətəli xan Xoyski küçəsində, "Gənclik Mall"un qarşısında təşkil ediləcək.
120E, 121E, 140E, E1 nömrəli ekspres marşrutların fəaliyyəti müvəqqəti dayandırılacaq.
