Mayın 17-dən 19-dək Bakıda və Abşeron yarımadasında güclü külək gözlənilir. Ekstremal hava şəraiti ilə bağlı sarı və narıncı xəbərdarlıq edilib.
Milli Hidrometeorologiya Xidməti məlumat yayıb. Xəbərdarlığa əsasən, şimal-qərb küləyi əsəcək, sürəti 13.9-20.7 m/san təşkil edəcək.
Naxçıvan, Qazax, Ağstafa, Tovuz, Şəmkir, Gəncə kimi bölgələrdə sarı xəbərdarlıq qüvvədədir. Mingəçevir, Bərdə, Tərtər, Yevlax, Naftalan, Goranboy, Daşkəsəndə isə narıncı xəbərdarlıq elan olunub.
Narıncı xəbərdarlıq zamanı küləyin sürəti 20.8-28.4 m/san-dək güclənəcək. Vətəndaşlardan ehtiyatlı olmaq xahiş olunur.
