Bakının Binəqədi rayonunda irigövdəli ağacın budaqları qırılaraq yaşayış binasının üstünə düşüb. Hadisə Abay Kunanbayev küçəsi 50 ünvanında baş verib.
Sakinlər bildiriblər ki, zəlzələ kimi səs gəlib və mənzillərin damları zədələnib. Bəzi sakinlər gecələr qorxu içində yatdıqlarını deyirlər.
Bakı Şəhər Yaşıllaşdırma Təsərrüfatı Birliyi hadisə yerinə gələrək budaqları təmizləyib. Ağacın qalan hissələrinin budanması yaxın günlərdə aparılacaq.
