Bakıda hava limanı yolunda ağır yol-nəqliyyat hadisəsi baş verib. Müşahidə kamerası qəzanı anbaan lentə alıb.
Avtosfer.az-a istinadən xəbər verilir ki, yüksək sürətlə hərəkət edən "Mercedes" markalı avtomobil qarşısındakı avtobusa çırpılıb. Avtobus geriyə dönmə manevri edirmiş.
Sürücünün yuxuladığı və ya diqqətinin yayındığı ehtimal edilir. Avtomobil sürətini azaltmadan birbaşa avtobusa doğru hərəkət edib.
Mütəxəssislər sürücülərə yorğun və yuxusuz halda sükan arxasına keçməməyi, hərəkət zamanı telefondan istifadə etməməyi tövsiyə edir. Diqqətsizlik ölümcül nəticələrə səbəb ola bilər.
