İyunun 4-də Bakının Yasamal, Nizami və Xəzər rayonlarında elektrik enerjisinin verilişində fasilələr yaranacaq.
“Azərişıq” ASC-dən verilən məlumata görə, Yasamal rayonunda saat 10:00-dan 13:00-dək Məhəmməd Naxçıvani, Fuad İbrahimbəyov, İbrahim Əbilov, Abdulla Şaiq küçələrinin bir hissəsində elektrik enerjisi məhdudlaşdırılacaq.
Nizami rayonunda eyni saatlarda Keşlə qəsəbəsi, Qara Qarayev prospekti və Əli Vəliyev küçəsinin bəzi ərazilərində enerji fasiləsi olacaq.
Xəzər rayonunda isə saat 10:00-dan 15:00-dək Mərdəkan qəsəbəsi, Mirzə Ələkbər Sabir, Məmməd Səid Ordubadi, Ramin Qasımov küçələrində elektrik enerjisi tamamilə dayandırılacaq.
Təmir işləri başa çatdıqdan sonra həmin ərazilər daha keyfiyyətli enerji ilə təmin olunacaq.
