Bakının Yasamal və Nizami rayonlarının bəzi ərazilərində iyunun 23-də elektrik enerjisinin verilişində fasilə yaranacaq.
"Azərişıq" ASC-dən Oxu.Az-a verilən məlumata görə, Yasamal RETSİ ərazisində transformator məntəqəsində təmir işləri aparılacaq. Saat 10:00-dan 13:00-dək Murtuza Muxtarov, Zərgərpalan, Balababa Məcidov, Cəfər Cabbarlı, Əli bəy Hüseynzadə, Salatın Əsgərova küçələrinin bir hissəsində elektrik enerjisi məhdudlaşdırılacaq.
Nizami RETSİ ərazisində isə saat 10:00-dan 13:00-dək Kamil Balakişiyev, İmadəddin Nəsimi, Mehdi Abbasov, Əzim Əzimzadə, Şirin Mirzəyev, Məmməd Səid Ordubadi, Əlif Hacıyev küçələrinin bəzi hissələrində fasilə olacaq.
Təmir işləri başa çatdıqdan sonra həmin ərazilər daha keyfiyyətli elektrik enerjisi ilə təmin olunacaq.
