Bir neçə gün əvvəl paytaxta yağan güclü yağışlar Nərimanov rayonunda fəlakətə səbəb olub. Malik Məmmədov küçəsində yaşayan sakinlər böyük ziyan görüb.
Divarlar çöküb, avtomobillər əzilib. Bir neçə maşın tamamilə yararsız hala düşüb.
Sakinlər dəfələrlə müraciət etsələr də, cavab almayıblar. "Azərişıq" ASC-nin hasarı uçaraq evlərə də zərər vurub. Yağışlı havalarda divar çatlayır, sular içəri dolur.
Bir sakin isə deyib: "10 saniyə gec gəlsəydim, divar mənim üstümə düşəcəkdi. Maşınların üstünə düşdüyü kimi."
