Bakıda xaricdən gətirilən dondurulmuş toyuq ətinə tələbat son günlərdə nəzərəçarpacaq dərəcədə artıb.
“Xəzər” TV-yə istinadən Oxu.Az-ın məlumatına görə, satıcılar qiymətlərin yerli məhsullardan xeyli ucuz olmasını alıcıların marağının əsas səbəbi kimi göstərirlər.
İdxal toyuqları ilə yerli istehsal arasında qiymət fərqi kəskindir. Bu səbəbdən əsas alıcılar restoran və ictimai iaşə obyektləridir.
Məhsullar əsasən Ukrayna və Belarusdan gətirilir. Bazar qiyməti 4-5 manat arasında dəyişən bu toyuqların “halal” sertifikatına malik olduğu qeyd edilir.
