Bakının Yasamal və Nizami rayonlarında iyunun 9-da elektrik enerjisinin verilişində məhdudiyyət olacaq.
"Azərişıq" ASC-dən verilən məlumata görə, Yasamal RETSİ ərazisində transformator məntəqəsində təmir işləri aparılacaq. Saat 10:00-dan 13:00-dək Zahid Xəlilov küçəsi, Mətbuat prospekti, 82 nömrəli uşaq baxçasının ətrafı və MİDA yaşayış kompleksinin bir hissəsində işıq kəsiləcək.
Eyni vaxtda Nizami RETSİ ərazisində də təmir-təftiş işləri aparılacaq. İlham Müzəffəroğlu, Azər Manafov küçələri və Qara Qarayev prospektinin bəzi hissələri elektriksiz qalacaq.
Təmir işləri başa çatdıqdan sonra həmin ərazilər daha keyfiyyətli elektrik enerjisi ilə təmin olunacaq.
