Bakıda bir qrup sahibkar dələduzluğa məruz qaldıqlarını iddia edir. Onların şikayəti Elçin Rzayev adlı şəxsə qarşıdır.
Vasili Hüseynov deyir ki, Elçin Rzayev ona 58 min dollara "Li-9" markalı avto satdıqdan sonra dostlaşıblar. Sonra Rzayev özünü nazir müavininin qohumu kimi təqdim edib.
Hüseynov iddia edir ki, Rzayev ona "Maybach" satmağa razı olub, 10 min dollar alıb, amma maşını verməyib. Sonra onun "Ford Mustang"nı 35 min dollara razılaşsa da, 18 min dollara satıb.
Digər şikayətçi Emin Məliksoy deyir ki, Rzayev ona "Hummer" icarəyə verib, sonra satmağa razılaşıb. Məliksoy 4 ay pul ödəyib, amma maşını ala bilməyib.
Məliksoy Rzayevin onu "Lüks taksi" biznesinə cəlb etdiyini, sonra isə daha çox pul aldığını deyir. Ümumilikdə 94 min manat itirdiyini bildirir.
Elçin Rzayev ittihamları rədd edir. O deyir ki, Məliksoy ona borcludur, Hüseynov isə onun "Maybach"nı xarab edib.
