Bakının Sabunçu rayonunun Sabunçu qəsəbəsində yerləşən Nikolay Baybakov küçəsi sakinlər üçün kabusa çevrilib.
Uzun müddətdir yolun pis vəziyyətdə olmasından şikayət edən sakin Rəşad İbrahimov Oxu.Az-a müraciət edib.
Onun sözlərinə görə, küçədə kommunal işlər aparıldıqdan sonra yol bərpa edilməyib. Dərin çuxurlar avtomobillərə ziyan vurur, tıxaclar yaradır.
Daha təhlükəlisi isə tıxaclar səbəbindən təcili yardım maşınları çətin hərəkət edir. Küçədə təcili tibbi yardım stansiyası və 3 saylı Şəhər Xəstəxanası yerləşir.
20 gün əvvəl qəsəbə nümayəndəliyinə müraciət edilsə də, heç bir tədbir görülməyib.
