Bakıda Ümumdünya Şəhər Forumunun 13-cü sessiyası çərçivəsində "Münaqişə və həssas şəraitdə şəhər həlləri vasitəsilə sülhyönümlü iqlim fəaliyyəti" mövzusunda konfrans keçirilir.
Konfrans Dövlət Şəhərsalma və Arxitektura Komitəsi, UN Habitat, "Climate and Peace Action Hub" və Beynəlxalq Miqrasiya Təşkilatı tərəfindən təşkil olunub.
Müzakirələr şəhərlərin iqlim dəyişikliklərinə davamlılığı, münaqişədən zərər çəkmiş ərazilərdə dayanıqlı məskunlaşma modelləri, sülh və iqlim fəaliyyətinin şəhər inkişafı ilə əlaqələndirilməsinə həsr olunub.
Xarici İşlər Nazirliyinin Xüsusi tapşırıqlar üzrə səfiri Elşad İsgəndərov "Baku Hub" təşəbbüsü və iqlim-sülh-şəhər əlaqələri barədə təqdimat edəcək.
Həmçinin postmünaqişə bölgələrinin yenidən qurulması, təhlükəsiz geridönüş üçün ağıllı məskunlaşma həlləri, iqlimədavamlı infrastruktur və beynəlxalq tərəfdaşlıq müzakirə olunacaq. Tədbirdə Beynəlxalq gənclər süni intellekt müsabiqəsinin mükafatlandırma mərasimi də keçiriləcək.
