Fövqəladə Hallar Nazirliyinin Dövlət Yanğın Nəzarəti Xidməti Bakıda bir anbarda yoxlama keçirib.
Nəsimi rayonu, Tbilisi prospektində yerləşən avtomobil şinləri anbarında yanğın təhlükəsizliyi qaydalarının kobud şəkildə pozulduğu aşkarlanıb.
Avtomatik yanğın siqnalizasiyası olmayan, elektrik qurğuları qaydalara uyğun quraşdırılmayan obyektdə söndürücü balonlar da tam deyil.
Təxliyə yolları bağlı, fəaliyyəti isə qeydiyyatsız olan anbarın birinci mərtəbədə yerləşməsi də təhlükə yaradır.
Sığorta sənədləri də təqdim edilməyib. FHN obyektin fəaliyyətini dayandırıb.
