Ələt qəsəbəsi və Bakı Beynəlxalq Dəniz Ticarət Limanının yaxınlığında yeni yük hava limanının tikintisi sürətlə davam edir.
Bu hava limanı digərlərindən fərqlənir: əsasən yük daşımaları üçün nəzərdə tutulub.
Yeni liman Orta Dəhliz və Zəngəzur dəhlizi ilə daşınan yüklərin daha sürətli çatdırılmasını təmin edəcək.
Hava limanı yüksək dəyərli və təcili çatdırılma tələb edən yüklərin qısa müddətdə ünvanına çatmasını təmin edəcək.
Bundan əlavə, Ələt Azad İqtisadi Zonasındakı müəssisələrin ixrac imkanlarını genişləndirəcək.
Yeni yük hava limanı Azərbaycanın regional logistika mərkəzi kimi rəqabət qabiliyyətini artıracaq və investorlar üçün infrastruktur üstünlükləri yaradacaq.
İlk yük hava limanının gələn il istismara verilməsi planlaşdırılır.
