Bakının Binəqədi rayonunda, "Baksol yolu" adlanan ərazidə yenidən çökmə baş verib. Asfalt örtüyündəki deformasiya sürücülər və piyadalar üçün təhlükə yaradır.
Baku TV-nin məlumatına görə, çökəklik kiçik olsa da, genişlənərək daha ağır nəticələrə səbəb ola bilər.
Ötən il eyni ərazidə kanalizasiya kollektoruna düşən 29 yaşlı Cümşüd Cümşüdlü həyatını itirmişdi. Qurumlar səbəb kimi köhnə kommunikasiya xətlərini göstərsə də, problem hələ də həll olunmayıb.
