Balakən rayonunda ağaclar ciddi təhlükə ilə üz-üzə qalıb. Sürətlə yayılan ağ Amerika kəpənəyinin tırtılları yaşıllıq sahələrinə kütləvi ziyan vurur.
Sakinlərin sözlərinə görə, meşələrdə də vəziyyət eynidir. Zərərvericilər əvvəlcə ağacların üzərində tor əmələ gətirir, sonra yarpaqları və meyvələri yeyərək bitkiləri qurudur.
Oxu.Az xəbər verir ki, bu barədə Baku TV-nin videomaterialında bəhs olunur.
Sakinlərdən biri bildirib: "Bəladır, öhdəsindən gəlmək olmur. Dərmanlayırlar, təmizləyirlər, amma nə qədər dərman vursalar da, yenidən ortaya çıxır. Dərman da təsir etmir."
Başqa bir sakin isə deyib: "Bütün yaşıllığın içini basıb. Belə davam etsə, bir neçə ilə burada sağlam ağac tapmaq mümkün olmayacaq."
