İTV-nin baş direktoru Balakişi Qasımov REAL TV-nin efirində Baku TV-ni nümunə göstərib. O, Azərbaycan kanallarının YouTube-da aktiv olduğunu, lakin xüsusi kontent istehsal etmədiklərini bildirib.
Qasımov qeyd edib ki, sosial şəbəkələrin çağırışlarına cavab vermək üçün gənclərin maraqlarını anlamaq və uyğun məzmun hazırlamaq lazımdır. O, gənclərin davranışını analiz etməyin vacibliyini vurğulayıb.
AzTV sədri Rövşən Məmmədov İTV-nin kontentlərinin yüksək baxış sayı topladığını deyib: "Baxışlar iki milyon, üç milyon, on milyon olur". O, klassik medianın sosial şəbəkələrdə kifayət qədər aktiv olduğunu bildirib.
Balakişi Qasımov əlavə edib ki, bütün Azərbaycan kanalları YouTube-da aktivdir və milyonlarla baxış qazanır. Baku TV isə birinci yerdədir. Lakin strateji fərq ondadır ki, onlar ənənəvi televiziya üçün kontent hazırlayır, sonra onu YouTube-da yerləşdirirlər.
