Balıq bazarında qiymət artımı müşahidə olunur. Satıcıların sözlərinə görə, əvvəlki aylarla müqayisədə həm çeşidlər azalıb, həm də bəzi balıq növləri bahalaşıb.
Ən münasib qiymətə satılan balıqlardan biri fareldir və onun kilosu 11-12 manat arasında dəyişir. Digər balıq növlərində isə qiymətlər daha yüksəkdir.
Alıcıların bir qismi qiymətlərin baha olduğunu desə də, bəziləri qiymətləri münasib hesab edir.
İqtisadçı Xalid Kərimli daşınma və saxlanma xərclərinin yüksəlməsi, həmçinin balıq yetişdirilməsi sahəsində xərclərin artmasının qiymətlərə təsir etdiyini bildirir.
İranda baş verən proseslər də bazara təsirsiz ötüşmür. İrandan idxal olunan məhsullarda yaranan fasilələr qiymətlərin daha da yüksəlməsinə səbəb olur.
Yaxın aylarda ət və balıq məhsullarında ucuzlaşma gözlənilmir, əksinə, qiymət artımı davam edəcək.
