Bayram günlərində təcili tibbi yardım xidmətinə 9 mindən çox müraciət daxil olub. Bu barədə Respublika Təcili və Təxirəsalınmaz Tibbi Yardım Mərkəzindən məlumat verilib.
Mərkəz gücləndirilmiş iş rejimində fəaliyyət göstərib. 27-31 may 2026-cı il tarixlərində Bakı şəhəri üzrə 9 592 çağırış qeydə alınıb.
Çağırışlar üzrə 899 nəfər xəstəxanalara yerləşdirilib, qalanlarına yerində yardım göstərilib. Ən çox müraciət mayın 28-də olub – 2 061 çağırış və 190 hospitalizasiya.
Müraciət səbəbləri əsasən təzyiq yüksəlməsi, travmalar, həzm pozuntuları, ürək və tənəffüs xəstəlikləri olub.
