Dövlət İmtahan Mərkəzi (DİM) mayın 24-də II və III ixtisas qrupları üzrə ali məktəblərə qəbul imtahanı keçirəcək. İmtahan 25 şəhər və rayonda təşkil olunacaq.
İmtahan saat 10:00-da başlayacaq. Buraxılış rejimi saat 09:45-də başa çatır. İştirakçılar mayın 15-dən etibarən "İmtahana buraxılış vərəqəsi"ni çap edə bilərlər.
İmtahanda 56 847 abituriyentin iştirakı gözlənilir. Onlardan 28 507-si II ixtisas qrupu, 28 340-ı III ixtisas qrupu üzrədir.
İmtahan üçün 231 bina və 4 206 zal ayrılıb. 82 sağlamlıq imkanları məhdud abituriyent üçün xüsusi şərait yaradılıb.
Təhlükəsizlik tədbirləri çərçivəsində mayın 23-də binalar möhürlənəcək və mühafizəyə veriləcək.
