Baş Dövlət Yol Polisi İdarəsi (BDYPİ) sürücülərə müraciət edib. Həftəsonu və qeyri-iş günlərində yollarda nəqliyyat axınının artdığı bildirilir.
BDYPİ qeyd edir ki, hərəkət intensivliyinin yüksəlməsi yol qaydalarının pozulması riskini də artırır. Bu səbəbdən sürücülərə diqqətli olmaq tövsiyə olunur.
Sürücülərə səfərə çıxmazdan əvvəl avtomobillərin texniki vəziyyətini yoxlamaq, sürət həddinə riayət etmək, təhlükəli manevrlərdən çəkinmək tövsiyə edilir. Həmçinin yorğun vəziyyətdə sükan arxasına keçməmək lazımdır.
BDYPİ vurğulayır ki, yollarda təhlükəsizlik hər bir hərəkət iştirakçısının məsuliyyətindən asılıdır.
