Bakının Yasamal və Nizami rayonlarının bəzi küçələrində iyunun 10-da elektrik enerjisinin verilişində fasilə yaranacaq.
"Azərişıq" ASC-dən verilən məlumata görə, səhər saat 10:00-dan 13:00-dək təmir işləri aparılacaq.
Yasamal RETSİ ərazisində Zahid Xəlilov, Əbdürrəhim bəy Haqverdiyev küçələri və Mətbuat prospektinin bir hissəsində elektrik kəsiləcək.
Nizami RETSİ ərazisində isə Kamil Balakişiyev, Əlif Hacıyev, Azər Manafov küçələri və Qara Qarayev prospektinin bəzi hissələri təmirə görə enerjisiz qalacaq.
Təmir işləri başa çatdıqdan sonra həmin ərazilər daha keyfiyyətli elektrik enerjisi ilə təmin olunacaq.
