Sabah Biləsuvarın bir neçə kəndində qaz təchizatı dayandırılacaq.
Bu barədə Biləsuvar Rayon İcra Hakimiyyəti məlumat yayıb.
Lənkəran Regional Qaz İstismar İdarəsindən verilən məlumata görə, yeraltı polietilen qaz xəttində sınaq işləri aparılacaq. Buna görə Çınarlı, Bağbanlar, Çaylı, İsmətli, Günəşli, Ağayrı, Nəsimikənd, Nərimankənd, Səmədabad və Arazbarı kəndlərində 5300 abonentə qaz verilişi dayandırılacaq.
Qaz kəsintisi 12 iyun 2026-cı il saat 10:00-dan işlər bitənə qədər davam edəcək. Abonentlərə təhlükəsizlik tədbirlərinə riayət etmək tövsiyə olunur.
