7-ci mikrorayon sakinləri illərdir kanalizasiya problemi ilə üzləşir. Zirzəmidən gələn üfunət iyi həyatı çətinləşdirir.
Abay Kunanbayev küçəsi, 3A ünvanında yaşayanlar bildirir ki, zirzəmiyə çirkab suları axır. Rəsmi qurumlara müraciət etsələr də, problem həll olunmur.
Baku TV-nin xəbərinə görə, sakinlərdən biri deyir: "Kanalizasiya sistemi köhnədir, pis qoxudan evdə oturmaq olmur".
Digər sakin isə paylaşır: "Üfunət üçüncü mərtəbəyə qədər qalxır. Bu sağlamlıq üçün təhlükədir".
Binəqədi Rayon İcra Hakimiyyətindən Sukanal idarəsinə müraciət olunub. Yaxın vaxtlarda briqada zirzəmini yoxlayacaq və axıntı aşkarlanarsa, təmir ediləcək.
