İyunun 25-i Aşura günüdür. Hicri təqviminin ilk ayı məhərrəmin 10-cu günü qeyd edilir.
Azərbaycanda ənənəvi qanvermə aksiyaları keçirilir. Dini Qurumlarla İş üzrə Dövlət Komitəsi və Qafqaz Müsəlmanları İdarəsinin təşkilatçılığı ilə bu il də aksiya olacaq.
Səhiyyə Nazirliyi, QHT Agentliyi, Gənclər Fondu, TƏBİB, Qan Bankı, İlahiyyat İnstitutu, Mənəvi Dəyərlər Fondu, Bakı İlahiyyat Kolleci, QHT Forumu, Qızıl Aypara və Könüllü Təşkilatları İttifaqı iştirak edir.
Məqsəd Aşura ilə bağlı yanlış təsəvvürləri aradan qaldırmaq, xeyirxahlıq dəyərlərini təşviq etməkdir. Toplanan qan hemofiliya, talassemiya kimi xəstələrə çatdırılacaq.
Aksiya ünvanları: Bakı şəhəri, Fəvvarələr meydanı (saat 10:00-16:00), Suraxanı rayonu, Cavid qəsəbəsi (11:00-15:00), Gəncə şəhəri (11:00-15:00), Sumqayıt şəhəri (11:00-15:00), Lənkəran şəhəri (12:00-16:00), Mingəçevir şəhəri (11:00-15:00), Naxçıvan şəhəri (10:00-15:00), Şəki şəhəri (10:00-15:00).
