Girdiman çayının məcrasını dəyişməsi İsmayıllıda bir kəndə ciddi ziyan vurub.
Oxu.Az Xəzər TV-yə istinadən xəbər verir ki, güclü axın nəticəsində çay yaşayış məntəqəsinə doğru istiqamətini dəyişərək ev və təsərrüfatlara zərər verib.
Kənd sakini Əlimədət Mahmudov bildirib ki, çayın həyətyanı sahəyə daxil olması ilə yaşayış evi təhlükəli vəziyyətə düşüb.
Tövlə, toyuq hini və digər tikililər su altında qalıb, həyətə gil və lil dolub.
Sakinlər deyir ki, sel səbəbindən bir neçə ailə evini tərk etmək məcburiyyətində qalıb. Evlərə giriş qalın gil qatı ilə örtülüb.
