27 may tarixində Qurban bayramı münasibətilə Cəbrayıl rayonunun Horovlu kəndində "Qurban Yarmarkası - Bərəkət Festivalı" keçiriləcək.
Azərbaycan Qida Təhlükəsizliyi Agentliyinin məlumatına görə, festivalda Şərqi Zəngəzur və ətraf bölgələrdən fermerlər öz qurbanlıqlarını birbaşa satışa çıxaracaq.
Qonaqlar üçün yerində kəsim xidməti, milli mətbəx nümunələri, canlı musiqi proqramı və uşaqlar üçün əyləncə zonaları nəzərdə tutulub.
Tədbir baytarlıq nəzarəti və sanitar qaydalara riayət olunmaqla təşkil edilir. Məqsəd yerli fermerlərə dəstək olmaq və qurbanlıq alışını asanlaşdırmaqdır.
