Dövlət İmtahan Mərkəzi (DİM) idman istiqaməti üzrə ümumi fiziki hazırlıq imtahanının təxirə salındığını elan edib.
İmtahan 27 iyun 2026-cı il tarixində Tofiq Bəhramov adına Respublika Stadionunda açıq havada keçirilməli idi. Lakin əlverişsiz hava şəraitinə görə imtahan yeni tarixə keçirilib.
DİM-dən verilən məlumata görə, imtahan 7 iyul 2026-cı il tarixində Azərbaycan İdman Akademiyasında keçiriləcək. Abituriyentlər imtahana buraxılış vərəqəsini DİM-in saytından çap edə bilərlər.
İmtahana gələrkən abituriyentlər şəxsiyyət vəsiqəsinin əslini, buraxılış vərəqəsini, idman paltarı və tibbi arayış (U086 forması) gətirməlidirlər. Tibbi arayışda “yararlıdır” və ya “sağlamdır” qeydi olmalıdır.
Qabiliyyət imtahanlarının qrafiki ilə DİM-in saytında tanış olmaq mümkündür. Qrafik mütəmadi yenilənir.
