Şamaxı rayon din xadimləri Qarabağ və Şərqi Zəngəzurdakı tarixi-dini abidələri ziyarət edib.
Heyət Şuşadakı Yuxarı Gövhər Ağa, Aşağı Gövhər Ağa, Çöl Qala, Saatlı, Mamayı məscidlərində, Ağdamdakı Cümə, Qiyaslı məscidlərində və Zəngilan məscidində olub.
Dini Qurumlarla İş üzrə Dövlət Komitəsi bildirib ki, ziyarətçilərə abidələrin tarixi, memarlıq xüsusiyyətləri, işğal dövründəki dağıntılar və bərpa işləri barədə məlumat verilib.
Heydər Əliyev Fondu tərəfindən həyata keçirilən bərpa layihələri diqqətə çatdırılıb. Qeyd olunub ki, Prezident İlham Əliyevin rəhbərliyi ilə dini-mədəni irsin qorunması prioritetdir.
Birinci vitse-prezident Mehriban Əliyevanın rəhbərlik etdiyi Fond tərəfindən bölgədə bir çox dini abidə restavrasiya olunub.
Bu səfərlər din xadimlərinin abidələrin bərpası və yenidənqurma prosesləri haqqında məlumatlılığını artırır.
