Əmək Məcəlləsinə əsasən, bəzi işçilər əsas məzuniyyətdən əlavə, əmək şəraiti, staj və ailə vəziyyətinə görə əlavə məzuniyyət hüququna malikdir.
Bu barədə Əmək və Əhalinin Sosial Müdafiəsi Nazirliyi məlumat yayıb.
Zərərli və ağır işlərdə çalışanlara 6 təqvim günündən az olmayaraq əlavə məzuniyyət verilir.
Staja görə: 5-10 il iş stajına 2 gün, 10-15 ilə 4 gün, 15 ildən çoxuna 6 gün əlavə məzuniyyət verilir.
14 yaşınadək iki uşağı olan qadınlara 2 gün, üç və daha çox uşağı və ya əlil uşağı olanlara 5 gün əlavə məzuniyyət verilir.
Bu hüquq təkbaşına uşaq böyüdən atalara və övladlığa götürənlərə də aiddir.
