Nazirlər Kabineti əlilliyi olan uşaqlara qulluq edən şəxslərə Prezident təqaüdünün ödənilməsi qaydasında dəyişiklik edib.
Baş nazir Əli Əsədovun imzaladığı qərarla qaydaya yeni bənd əlavə olunub.
Dəyişikliyə əsasən, qəyyumluq və himayəçilik orqanının funksiyalarını himayədar ailəyə verilmiş əlilliyi olan uşaqlar üçün Əmək və Əhalinin Sosial Müdafiəsi Nazirliyi, digər hallarda isə uşaq hüquqlarının müdafiəsi üzrə komissiyalar həyata keçirəcək.
