Baku TV-nin "O vaxtlar" verilişinin qonağı Əməkdar mühəndis Fuad Tağı-zadə olub.
O, Bakıdakı uşaqlıq xatirələrindən, repressiyaya uğrayan babasından və metro tikintisindəki peşə fəaliyyətindən danışıb.
Babası Məmmədəli Mollayevin 1937-ci ildə həbs edildiyini və güllələndiyini bildirib: "Onu pantürkçü, panislamçı damğası vuraraq inqilab düşməni elan etdilər".
Politexnik İnstitutunu bitirən Fuad Tağı-zadə uzun illər Bakı metrosunun tikintisində çalışıb. İşə başlayanda cəmi 12 stansiya var idi, tunellər əl əməyi ilə qazılırdı: "42 ilimi metroya həsr etmişəm. Metro gələcəyimizdir".
Verilişdə həyat yoldaşı Nərminə Tağı-zadə də iştirak edib. Nənəsinin nəsihətini bölüşüb: "Qız uşağı yatağını heç kim görməməlidir".
