Bəzi turoperatorlar Türkiyə istiqamətində erkən rezervasiya edənlərdən adambaşına 65 ABŞ dolları əlavə ödəniş tələb edir. Bu, turistlər və agentliklər arasında gərginliyə səbəb olub.
Turizmçi Rəhman Quliyev bildirir ki, insanlar ucuzluq üçün paketi aylar öncə alıb, indi əlavə ödəniş əsassızdır. Qiymət artımı gələcək rezervasiyalara şamil edilməlidir.
Lalə Paşayeva deyir: "Bu, turizm qaydalarına hörmətsizlikdir". O, müqavilələrdə qəti rezervasiya edilmədiyini təxmin edir.
Aidə Məlikova isə vurğulayır ki, belə tələb beynəlxalq təcrübəyə əsaslanmır və rəsmi sənəd təqdim edilməyib.
