Respublika Pediatriya Mərkəzinin direktoru Erkin Rəhimov TƏBİB-də yüksək vəzifəyə təyin edilib.
Oxu.Az xəbər verir ki, bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb.
E.Rəhimov 2001-2003-cü illərdə Azərbaycan Tibb Universitetində, 2003-2007-ci illərdə isə İstanbul Universitetinin Cərrahpaşa Tibb fakültəsində təhsil alıb. 2008-2012-ci illərdə həmin universitetdə uşaq sağlamlığı üzrə ixtisaslaşıb.
2012-2014-cü illərdə "İstanbul Memorial Hizmet" Xəstəxanasında Neonatologiya şöbəsinə rəhbərlik edib. 2019-cu ildən Ə.Əliyev adına ADHTİ-nin Pediatriya kafedrasının assistentidir.
2014-cü ildən "Baku Medical Plaza"nın Pediatriya şöbəsinin müdiridir. O, həmçinin Azərbaycan Pediatriya Cəmiyyətinin sədr müavini, Kistoz Fibrozlu Xəstələrə Yardım İctimai Birliyinin İdarə Heyətinin üzvüdür.
E.Rəhimov Səhiyyə Nazirliyinin pediatriya üzrə mütəxəssis-ekspertidir.
