Şanlı Zəfərimizə baxmayaraq, minalarla mübarizə davam edir. İşğaldan azad edilmiş ərazilərdə Ermənistanın kütləvi minalama siyasəti həm humanitar, həm də təhlükəsizlik baxımından əsas təhdid olaraq qalır.
Mina təhlükəsi insanların doğma torpaqlara qayıdışını çətinləşdirir və bərpa prosesinə mənfi təsir göstərir.
Politoloq Yeganə Hacıyeva Baku TV-yə bildirib ki, bu məsələdə Ermənistan dövləti cavabdeh olmalıdır. O qeyd edib: "Mina partlayışları nəticəsində həyatını itirən insanlar göstərir ki, mina gələcəyə yönəlmiş təhlükədir. Azərbaycanın azad edilmiş ərazilərində belə hadisələrin riski qalır, buna görə cavabdeh tərəf Ermənistandır."
