Fövqəladə Hallar Nazirliyi (FHN) Bakının Nərimanov rayonunda “Şəlalə” Mənzil-Tikinti Kooperativinə məxsus çoxmərtəbəli binada təlim keçirib.
Təlim zamanı yanğın texnikalarının binaya və su hovuzuna yaxınlaşması qiymətləndirilib.
Nəqliyyat vasitələrinin nizamsız park edilməsi səbəbindən yanğın avtomobillərinin maneəsiz keçə bilmədiyi müəyyən edilib.
Bundan əlavə, binada ilkin yanğınsöndürmə vasitələrinin çatışmazlığı, daxili yanğın kranlarının natamam komplektləşdirilməsi və avtomatik siqnalizasiya sisteminin tam quraşdırılmadığı aşkarlanıb.
Məsul şəxslərə nöqsanların aradan qaldırılması üçün tapşırıqlar verilib, sakinlərlə maarifləndirici söhbətlər aparılıb.
