Xalq artisti Flora Kərimovanın səhhəti ilə bağlı rəsmi açıqlama verilib.
Oxu.Az-ın məlumatına görə, bu barədə Musavat.com-a sənətkarın köməkçisi Yaqut İmanova danışıb.
O bildirib ki, hazırda müğənninin vəziyyəti qənaətbəxşdir: "Flora xanım yaxşıdır. Qızı Londondan gəlib, xəstəxanada onun yanındadır. Heç bir narahatlıq yoxdur".
Y.İmanova əlavə edib ki, sabah Flora Kərimovanın evə buraxılması planlaşdırılır.
Xatırladaq ki, sənətkar bir neçə gündür xəstəxanada müalicə alır. Müalicə prosesi Heydər Əliyev Fondunun prezidenti Mehriban Əliyeva tərəfindən izlənilir.
Köməkçiyə görə, Flora Kərimovanın ürək problemləri var.
