Gəncə şəhərinin Məhsəti qəsəbəsində, Müşfiq Adıgözəlov və Faiq Əhmədov küçələrində yaşayan sakinlər ictimai nəqliyyatla bağlı ciddi çətinliklər yaşayır.
Onlar deyir ki, marşrut xətlərinin yenidən təşkilindən sonra 16 saylı marşrut avtobusundan istifadə əlverişsiz olub. Əvvəlki 20 saylı marşrut daha geniş ərazini əhatə edirdi.
Sakinlər Baku TV-yə bildirib: "Avtobus indi uzaqdan keçir, yağışda palçıqda məktəbə getmək mümkün deyil."
Azərbaycan Yerüstü Nəqliyyat Agentliyindən (AYNA) bildirilib ki, Məhsəti qəsəbəsində 11 və 16 nömrəli marşrutlar təşkil edilib. Yeni avtobuslar ən geniş və təmir edilmiş yollarla hərəkət edir və piyada gediş məsafəsi nəzərə alınıb.
