Biləcəri lokomotiv deposu Azərbaycan Dəmir Yollarının müasir inkişafının parlaq nümunəsidir. Ən son texnologiyalarla inşa olunan depo həm texniki imkanları, həm də ekoloji yanaşması ilə seçilir.
Burada lokomotivlərin texniki baxışı və təmiri üçün müasir şərait yaradılıb, dünyanın aparıcı şirkətlərinin avadanlıqları quraşdırılıb.
Depoda diqqət çəkən əsas məqamlardan biri alternativ enerjidən istifadədir. Binanın üzərində quraşdırılan günəş panelləri vasitəsilə əldə olunan enerji deponun fəaliyyətində istifadə edilir.
Bu, həm enerji qənaətinə, həm də ekoloji dayanıqlılığa xidmət edir. Biləcəri lokomotiv deposu "Dəyişən cərəyanla işləyən 50 lokomotiv üçün iki deponun tikintisi" layihəsi çərçivəsində yaradılıb.
Layihə Azərbaycanın dəmiryol infrastrukturunun yenilənməsi və 4-cü sənaye inqilabına keçid istiqamətində mühüm addımdır. Burada xaricdə təlim keçmiş yüksəkixtisaslı mütəxəssislər çalışır.
Müasir texnologiyalarla təchiz olunan depo Azərbaycanın nəqliyyat-logistika potensialını gücləndirir.
