Gürcüstana səfər edənlər üçün məcburi sığorta tələbi var. 2024-cü il yanvarın 1-dən qüvvədədir. Sığorta qiyməti səfər müddətindən asılıdır. 1 həftəlik sığorta cəmi 12 manatdır.
Azərbaycan Sığortaçılar Assosiasiyasının eksperti Emil Ağabağırov bildirib ki, sığorta 15 min dollar təminat verir. Bu, Gürcüstanın tələb etdiyi 30 min larini qarşılayır.
Sığorta tibbi xidmətlər, qəza, xəstəlik, stomatoloji yardım, günvurma, boğulma, yanıq, sınıq, travma, soyuqdəymə və COVID-19-u əhatə edir. Əməliyyat, həkim müayinəsi, dərmanlar da daxildir.
Yük itkisi də təminat altındadır. Ölüm halı istisnadır, ancaq cənazənin Gürcüstandan gətirilməsi xərcləri qarşılanır. Sığorta hadisəsi baş verərsə, qaynar xəttə zəng edib klinikaya yönləndirilirsiniz. Tibbi xidmətlər pulsuzdur. Əgər özünüz ödəsəniz, qəbzlə geri ala bilərsiniz.
Sığorta üçün yalnız ümumvətəndaş pasportu tələb olunur.
